மனிதம்

மனிதர்களே... 

மனிதத்தை பயிர் செய்யாமல்

தேசியம் விதைத்து என்ன பயன்? 

இரவுகளும் பகல்களும்

போட்டி போட்டு சுழன்றாலும்

உன் மீது இழைக்கப்பட்ட

வரலாற்று பிழை என்றுமே மாறாது...

நேற்று எச்சத்திலும்... மிச்சத்திலும்

வாழ்வை நடத்தினாய்.... இன்று

கடமை தவறிய மனிதத்திற்கு - உன்

உதிரத்தையே உரமாக்கி விட்டாய்.. 

வருங்கால தலைமுறையாகிலும்

மனிதநேயத்தை

உயர்த்தி பிடிக்கட்டும்...

மனிதத்தை விதைத்து

அன்பை அறுவடை செய்ய....

இனி வீறு கொண்டு எழட்டும்...

பாறைகளின் இடுக்கே

துளைத்தெழும் புல்லைபோல....

வன்முறை எனும் முகத்திரையை கிழிக்க

புழுதி கிளப்பி அதிர புறப்படட்டும்...!